Your community website

NEWS archive

 14 August 2007

Ripoti ya Rais wa Tanzania juu ya CCM na CUF

Taarifa ya Rais wa Tanzania Mheshimiwa Jakaya Mrisho Kikwete, ambayo aliitoa siku ya tarehe 14/08/2007, Ikulu, Dar es Salaam juu ya maelewano ya vyama viwili hivyo (CCM na CUF). JK alisisitiza kuwa yeye ni mwenye shauku kubwa ya kuleta mapatano na maendeleo ya kuafikiana baina ya vyama hivi na alikisisitiza chama cha (CUF) na uongozi wa chama hicho akiwemo Profesa Ibrahim Lipumba kuwa kujitoa katika maongezi hayo hakutoleta maendeleo ya maelewano. JK alieleza kuwa ataendelea kuleta maendeleo ya maelewano kati ya vyama hivyo na alikumbusha chimbuko la mazungumzo hayo ni ya ahadi aliyoitoa kwa Watanzania katika bunge tarehe 30 Disemba 2005. Alisema katika taarifa yake, anaamini kwa dhati ya moyo wake kuwa hakuna tofauti zozote za kisiasa na kijamii katika nchi yetu zisizomalizwa kwa mazungumzo na anaamini mpasuko huo wa kisiasa unaweza ukawafikiana ikiwa vyama hivyo vitakaa pamoja na kuzungumzia tofauti zao. JK alisema katika taarifa hiyo, mpaka sasa wameshakaa vikao vingi vya maelewano na wameshaelewana katika sehemu tofauti za mazungumzo yao na anaamini kuna sehemu chache tu zilizobakia ambazo pia zinaweza kumalizwa kimazungumzo.

Rais Kikwete alisema, mpasuko huo wa kisiasa unaweza ukatatuliwa kimazungumzo ya maelewano ya pande zote mbili; na kama mpasuko huo ukiendelea bila ya mazungumzo, tutarudi kule tulikokuwa, yaani kwenye uhasama, shutuma zisizoisha, kubaguana, kutozikana na hata kutosalimiana. Itakuwa tutaendelea na utamaduni mbaya wa kuzifanya tofauti zetu za kisiasa kuwa ni chanzo cha uadui, chuki na hivyo kuhatarisha amani, utulivu na umoja wa taifa letu na watu wake.

Taarifa kutoka Ikulu, Dar es Salaam, tarehe 14/08/2007

Custom Search

Go up