NEWS

GORDON BROWN atunukiwa "World Statesman of the Year 2009"

25/09/2009

WAKATI Waziri Mkuu wa United Kingdom bwana Gordon Brown (pichani kushoto) akisubiri uchaguzi mkuu mwakani na huku akijaribu kuthibitisha kwa wananchi wake kuleta maendeleo ya huduma nzuri na hali bora kwa wananchi katika hali ngumu ya kiuchumi duniani, bwana Gordon Brown alipatiwa sifa kemkem na viongozi wakubwa kutoka madola mengi duniani kwa mtazamo wake wa mfumo wa kiuchumi ambao ameupendekeza na kutumiwa ambao unatarajiwa kuleta mabadiliko makubwa ya mfumo wa kifedha duniani ambao utasaidia miaka ijayo kuweka uchumi wa kidunia katika hali nzuri.

Ingawa bwana Gordon Brown anapewa mitihani na viongozi wa vyama vingine vya kisiasa nchini UK na kumfanya kazi yake kubwa aliyoifanya ya kuwezesha kurejesha uchumi isivume sana nchini UK, lakini amewika duniani kote nje ya UK na viongozi wa madola wamempa sifa kwa kipaji alichokuwa nacho cha kuweza kuufuma upya mfumo wa kifedha wa kiuchumi wa dunia nzima na kuutokomeza mfumo uliokuwepo mwanzo ambao ulisababisha kuanguka kwa uchumi hivi karibuni.

Baadhi ya viongozi waliompa sifa hizo akiwamo Queen Rania wa Jordan, mkewe mfalme wa Jordan King Abdallah, muimbaji maarufu wa nchi za Ulaya na Marekani, bwana Bono, bwana Henry Kissinger, aliyekuwa Waziri wa mambo ya nje wa Marekani, rais Barack Obama wa Marekani na wengi ambao wameona mfumo huo wa kifedha utasaidia kuwezesha kutoka katika hali ngumu ya kiuchumi iliyopo hivi sasa.

Nchini Marekani bwana Gordon Brown amewika vikali na kuzawadiwa rasmi zawadi kubwa ambayo hutolewa kwa viongozi maalum wenye kuleta mabadiliko maalum katika mwaka maalum, ambayo alizawadiwa bwana Gordon Brown "World Stateman of the Year 2009" kwa kuleta mabadiliko ya mfumo mpya wa kiuchumi duniani.

Mtazamo huu ndio uliomfanya rais wa Marekani Barack Obama alipoulizwa na waandishi wa habari kuwa ni kitu gani kitamfanya bwana Gordon Brown kushinda uchaguzi mwakani, Obama alisema "whatever the problems faced, good policy would win out over time".

Custom Search

Go up