Rais wa Zanzibar na Mwenyekiti wa Baraza la Mapinduzi Mhe Amani Abeid Karume,akibadilishana mawazo jana na Mkurugenzi Mtendaji wa Kampuni ya Celtel, Bashar Arafish, baada ya kukabidhiwa Kompyuta 65, ambazo zitatumika kwa Skuli za Sekondari za Zanzibar ,hafla ya makabidhiano ilifanyika Ikulu Mjini Unguja.

Kampuni ya simu ya CELTEL imeeleza lengo lake la kushirikiana na Serikali ya Mapinduzi Zanzibar katika kuimarisha sekta ya elimu na kukabidhi kompyuta 65 kwa ajili ya skuli za Sekondari za hapa nchini.

Akizungumza na Rais wa Zanzibar na Mwenyekiti wa Baraza la Mapinduzi Mhe. Amani Abeid Karume, Mkurugenzi Mtendaji wa Kampuni ya CELTEL Bwana Bashar Arafeh huko Ikulu mjini Zanzibar alieleza kuwa kampuni yake itakuza ushirikiano na Zanzibar katika kuendeleza sekta ya elimu. Alieleza kuwa kampuni ya CELTEL imefarajika kwa kiasi kikubwa kutokana na maendeleo ya sekta ya elimu jinsi yalivyofikiwa hapa nchini na iko tayari kuendelea kuyaunga mkono maendeleo hayo.

Bwana Arafeh ambaye alifika Ikulu pamoja na Ujumbe wa Kampuni hiyo, alisema kuwa Kampuni yake imeweka kipaumbele zaidi kusaidia katika sekta ya elimu kutokana na kuelewa kuwa elimu ni kitu muhimu katika maendeleo ya mwanaadamu. “CELTEL inaunga mkono hatua zilizofikiwa katika sekta ya elimu hapa Zanzibar na ndio maana imeshajiika kuendelea kutoa misaada yake kwa ajili ya kuimarisha sekta ya elimu” alisema Bwana Arafeh.

Arafeh alimueleza Rais Karume kuwa Kampuni ya CELTEL ina mpango wa kuanzisha kituo cha teknolojia ya kompyuta hapa Zanzibar.Alisema kuwa kompyuta hizo zitasaidia kwa kiasi kikubwa katika kuendeleza masomo kwa wanafunzi wa skuli za sekondari za ari za hapa nchini. Arafeh alisema kuwa Kampuni yake ina mahusiano mazuri na makampuni mengine ya simu hapa nchini ikiwemo Kampuni ya ZANTEL ambayo tayari wana mpango wa kushirikiana katika kutoa huduma za mawasilinao.

Alisema kuwa kampuni ya CELTEL tayari imeshatandaza huduma zake katika nchi zipatazo 22 duniani zikiwemo nchi za Mashariki ya Kati na nchi za Afrika na kueleza kuwa hatua hiyo imeweza kupanua kwa kiasi kikubwa soko lake la biashara. Nae Rais Karume kwa upande wake aliipongeza Kampuni ya CELTEL kwa uamuzi wake bora wa kusaidia kompyuta kwa skuli za sekondari Zanzibar sambamba na kuendeleza ushirikiano wake na Serikali.

Rais Karume alisema kuwa Kompyuta hizo zitasaidia kwa kiasi kikubwa kuendeleza elimu ya teknolojia kwa wanafunzi wa sekondari wa hapa nchini pamoja na kusaidia kwa programu mbali mbali za elimu. Alisema kuwa kompyuta hizo zitasaidia katika kufikia malengo yaliowekwa na Serikali ya kuimarisha sekta ya elimu hapa nchini na kuisifu kapuni hiyo kwa kuunga mkono hatua za maendeleo zinazochuliwa na serikali.

Rais Karume alisema kuwa tayari Serikali ya Mapinduzi imeshapiga hatua kubwa katika sekta ya elimu kwa upande wa elimu ya msingi kwa kuhakikisha watototo wote wanaoandikishwa skuli wanapata nafasi za kusoma na mikakati mikubwa imewekwa hivi sasa katika kuinua elimu ya sekondari.

Alisema kuwa miongoni mwa mikakati ya kuinua elimu ya sekondari ni uamuzi wa Serikali ya Mapinduzi Zanzibar kujenga skuli za kisasa za sekondari kwa kila Wilaya hapa Zanzibar. Aidha, Rais Karume aliipongeza Kampuni hiyo kwa kupanua zaidi huduma zake za mawasilinao hapa Zanzibar pamoja na sehemu nyengine duniani sambamba na mipango yake ya kushirikiana na makampuni mengine ya simu kwa ajili ya kupanua soko la kibiashara. Kwa mujibu wa maelezo ya Kampuni hiyo Kompyuta hizo 65 zimegharimu dola elfu 50 za Marekani.
 

Habari kwa hisani ya Rajab Mkasaba -Zanzibar

Siamini wale wanaosema watu wabongo peke yao ndio wenye akili zinazokwenda rivasi. Naangalia picha hii, sipati jibu huyu jamaa kapandaje juu ya gari ya mwenziwe!? Ajali hiyo imetokea Dubai, U.A.E. barabara ya Sheikh Zayed Road ambayo inatokea Abu Dhabi, U.A.E. Waswahili wamesema

Mshindi wa mpambano huo ataibuka na kitita cha milioni moja na mshindi wa pili atajinyakulia kiasi cha shilingi laki tano na wa tatu atapata laki mbili na nusu,